Kasusastran Jawa ing jaman saiki ngalami kamunduran, sebab saya sethithike wong kang gandrung tumrap sastra Jawa. Kasunyatan iku andadekna basa Jawa lan sastrane kasisih ing masyarakat. Masyarakat Jawa saya akeh, ananging wong kang nggandrungi basa lan sastrane saya sethithik.Buku iki ngemot salah sawijining jinis sastra Jawa, yaiku kang arupa cerkak. Kumpulan cerkak kang ana ing buku iki kajupuk saka pirang-pirang sumber lan penulis. Buku iki nyoba angurip-uripi kasusastran Jawa. Sakliyane iku, buku iki menawa dadi tandha yen basa Jawa lan sastrane iku ora kalah endah karo budaya-budaya kang dianggep modern ana ing jaman saiki.